L’umiltà

Nu juorne,

uno e chille tante

comm’’e nu tesor’’antico

t’aggio truvata

dint’’a ‘nà Chiesa, assettata.

Cu ll’uocchie chin’’e sole

scurnosa e senza manco ‘nà parola

suspiranne me parlave.

Chisà quanti vvote

t’aggio guardata

chisà quanti vvote

dint’’ò suonno

t’aggio ‘ncuntrata

e fatte juorne, palomma

dint’’ò vieto, si vulata.

Stà vita faveze e traritora

cummoglia ll’uocchie

e ‘nzerr’’a porta dò core.

Prianno ‘nnanz’’altare

Te guardo e me rispunne

…nù ffuoco mò mm’abbrucia

…e ll’acreme cà scennene

…à voce mia s’affoga

“Pietà…, pietà di me Signore…”

…sti miserie mije

me viene Tu a lavà.

‘Nà pace pò me piglia

‘nà musica me parle:

“Sulo ll’Ammore pe stà Croce

‘nfosa e lacreme e ddulore

ta po’ ffà venì abbraccià!”

Gerardo Grimaldi – 5 novembre 2014 –