martedì , 24 ottobre 2017

Home » Poesia » A Speranza

A Speranza

‘Na matina e vierno
nu viento friddo e curiuso
trasette dint’’a  ‘na casa.
Truvaje sul’ o’ scuro
e poche cose:
‘na mattera cummigliata
‘na tavula e lignamme
nù Vangelo consumato
ddoje segge e paglia rotte
e ‘na femmena cu ‘na curona mmane
‘nnanz’’a ‘na cannela assettata.
Sulagna sta luce tegneva ll’aria e pace.
Curiuse comme e ‘na criatura
‘o viento le vulette addimannà:
Chi si? Pecchè te ne staje
tutta vestuta a nniro dint’ ’o scuro a prià?
…Quanno se giraje
pe nu mumento o’ viento
se sentette e mancà….
‘na luce lucente cancellaje  ll’ombre
bella comm’e ‘nà Maronna
‘na voce lle parlaje.
Io me chiamme Speranza
chesta è a casa mia a quanno sò nata
mò so sola pecchè m’hanno abbandunata.
Và dillo a  stà gente
O’ Signore nuosto m’ha criata
io so chella ca dà calore
quanno e perzo pur’ ò core.
Và alluccal’ a stu munno
chi cerca a voce e Dio
cu ll’anema sincera
dint’’e bracce meje
se sente cchiu liggero.                                 

Gerardo Grimaldi – 02 Dic. 2013

scroll to top